الثلاثاء، 31 مارس 2015

أغراضي كثيره وحوستي بكل مكان ،’ part1

(( أحد مواضيعي القديمه حبيت انقلها لمدونتي من حسابي Mo5maliah في منتدى إقلاع ))


مرحبا
صباح / مسا الالـوان
من زمان ما طليت عليكم هنا
فا حبيت تكون طلتي مرتبة ومفيده
اليوم موضوعي عن طرق التخزين وترتيب خزانة ملابسك
وترتيب غرفة الأشغال اليدوية
ان شا الله اني اوفق بالطرح ويكون الموضوع واضح وممتع
وتستمتعون معي بقرائته



خــزانة المــلابس
طريقة ترتيب خزانة الملابس :
اول ما تفتحين دولاب ملابسك لازم تطلعين كل شي برا الدولاب

بعدين تحددين ايش اللي ما راح تستخدمينه
او في قطعة لها سنة حاطة في بالك انك راح تلبسينها او انها بتكون مقاسك اذا سويتي ريجيم
او شوز ما عاد يصلح للبس

كل هالاشيا اللي مالها فايدة او ما تستخدم لازم تنحط بأكياس
وتنظفينها وتتبرعين فيها والاشيا التالفة تنرمى
والأشيا اللي ما تستخدمينها بهالموسم او مالها حاجة الحين تستخدمين اكياس ضغط
وتحطيها فيها علشان ما تاخذ مساحة بالتخزين


وتشيلينها من دولابك لأن وجودها يضيق لك المكان على غير نفع .
قبل ما تبدين تعيدين ترتيب خزانة ملابسك
لازم تحددي انتي تفضلين ايش لأختيار ملابسك تعليقها او انك تطوينها
وراح تحطينها بصناديق او بأرفف مفتوحة
بعد ما تقررين اي نوع تفضلين
لازم يكون متوفر عندك الصناديق او العلاقات لتساعدك بترتيب الخزانة


الحين تقومين بتحديد الملابس اللي دايم تستعملينها والألوان اللي تحبينها وتخلينها قريبة
يعني بالأرفف او الأدراج اللي بالوسط لا تنسين انك تختارين ملابس هالموسم

والأفضل انها تكون معلقة مو مطوية بالارفف علشان تكون واضحة للرؤيا وما تنسينها مع زحمة الملابس
وما تتعفس مع الطوي

والملابس اللي ما تستخدميها الا قليل تكون بعيده مثلا تقدرين تحطينها بأعلى رف
ويفضل وضع الجنزات بالارفف وطيها بشكل دائري ليسهل رؤيتها

الأرفف أو الأدراج خليها للملابس الداخلية والأحزمة والقمصان
وللقطع الصغيرة من الملابس

وتقدرين ترتبين الملابس اللي راح تعلقينها من الفاتح للغامق بحيث
تسهلين لنفسك عملية اختيار الملابس بعدين .

//


أدوات تساهم في ترتيب خزانة الملابس :


مقاطع راح تساعدك بترتيب خزانة ملابسك :
خطوات اعادة ترتيب خزانة الملابس :



أفكار لترتيب الخزانة :
طريقة ترتيب الجنزات :


طريقة طي الملابس :


//

ألحين نجي لترتيب الشوز والشنط
في عدة وسائل منها:





تتوفر بــســاكـو
طريقة سهلة وغير مكلفة لتنظيم الحذية :
تقدري تحتفظي بعلبة الصندل وتاخذين صورة للشوز وتلصقينها على العلبة ، على اساس اذا بغيتي تدورين ما تفتحين كل العلب ، لأن الصورة تكون واضحة على العلبة .

افكار لترتيب شوزاتك :


غــرفــة الأشــغــال الـيـدويــة

لازم هالغرفة تكون مريحة والوانها فرايحة وهادية علشان تقدرين تبدعين

صورة اقرب

وأقرب

ملاحظين هنا انها اعتمدت على الأرفف والأدراج بشكل كبير
وأغلبها أرففها مفتوحة ( بدون بوكسات ) علشان تقدر تشوف محتوى الرف وهي بمكانها
اعجبتني طريقة ترتيبها
كل شي تقريبا تقدر توصله بيدها ، ويحسسك ترتيبها انو أغراضها قليله
بس بالواقع ان اغراضها كثيره

هنا نشوف ان اغلب الأرفف على مستوى طول الأنسان تقريبا
اعتقد ان صاحب هالورشة يشتغل وهو واقف >> أندمجت بالدور ههههه
بالنسبة لي ما راح يريحني ان الأرفف تكون مرتفعة أفضل يكون كل شي قريب . << الكسل وما يسوي

احب هالنوعية من الأدراج المفتوحة
أحسها تصلح لورشة لعدة أشخاص

وهنا أدراج مكتوب عليها محتوياتها

الصوره هذي اشوفها قريبة للواقع << ما تتكلم عن نفسها أبد
لاحظوا تحت الطاولة في ارفف بلاستيك
تكلمت عنها كثير بالجزء الثاني من الموضوع بمملكة المرأة
مفيدة جدآآ بالتخزين وترتيب المكياج وأكيد ترتيب أدوات الورشة

هذي وحدة ما هي محتاجة لخزانة ملابسها
ومن مبدأ (( الحاجة أم الاختراع ))
عملت ورشتها داخل الخزانة
لاحظوا بابين الخزانة مفتوحة ومتى ما قضت شغلها سكرت الباب
مافي حوسة بالغرفة ولا تاخذ مكان
تصلح للي خزانتهم بالجدار
//
لو ركزتوا فوق على اليسار شوي
معلقة غليتر بالجدار // ودي اصير صديقتها مافي مساحة بالخزانة
ما استفادت منها هههههههه



//

وعلشان ما أظلم مصمماتنا المبدعات جبت لكم ورشة للخياطة

هنا تقدرين تخزنين أقمشتك بشكل حلو وملفت
وبنفس الوقت واضح
الصراحة لو ألقى هالكبت أتحسف اني احط فيه أقمشة (( الله يخلي لي سلتي مخزنة فيها عدد محترم من الأقمشة ))

هنا مكان الخياطة
لاحظوا اهم شي المنظر
علشان يفتح نفسها على الخياطة
//
افكار لترتيب غرفة الأشغال اليدوية :
Part One


Part Two



//
نوصل للجــزء الأخير من الموضوع
طريقة ترتيب أدراج الحمام :
راح أبتدي معاكم بالخطوات
أعتذر عن الصوره بس لازم علشان نلاحظ الفرق

هذي تسريحة الحمام
اول شي نبتدي فيه اننا نفرغ الأدراج
بعدين نصبغ الأدراج

ولين تنشف الأدراج تروحون لأقرب محل وتشترون سلال بلاستيك لترتيب الأدراج

نوعي بالاحجام ( كبير ، متوسط ، صغير )
الحين نشوف الأغراض اللي طلعناها من الأدراج ونرتبها
على حسب نوعيتها
مثلا الأدوية بسلة
وأدوات العناية بالأسنان والوجه بسلة ،، etc
زي هالصور


بعدين ندخل السلال داخل الأدراج وتصير بهالشكل

الشكــل النـهائي لدرج المغسلة

شرايكم فيني وأنا سنعة << صدقت نفسها ، الله يخلي العم جوجل
//
في أدوات كثيره لترتيب أغراضك الشخصية بأدراج الحمام منها :
علب البلاستيك الشفافة وفي منها اشكال وأحجام
تقدرون تشترونها بمحلات ابو ريالين / أيكيا / هوم سنتر

المنظم
وهذا الشي انا اموت عليه
أي شي مقسم بهالشكل وشفاف احبه

في منه انواع كثيره
راح أفصلها أكثر في part2 بمملكة المرأة
بس للأسف مالقيت محل يبيع كل أنواع المقسمات ويكون شكلها حلو وعملي
لكن في ويب سايت يوفر لك هالأشيا

//
بنهاية موضوعي
ان شا الله انه عجبكم
ولا أسمح بالنقل الا بذكر المصدر
استعنت بالعم قوقل واليوتيوب وبعض المدونات الأجنبية
واللي يستفيد من الموضوع ، تكفيني دعوة لي ولوالدي
ولكل للي مروا هنا سمـّو

 

مرسلة بواسطة في
التسميات:

ليست هناك تعليقات :

إرسال تعليق

الاشتراك في: تعليقات الرسالة ( Atom )