السلام عليكم ورحمة الله وبركاته
وضحت طريقة التسجيل والطلب لموقع أسوس وتنطبق الطريقة لكل المواقع
ان شا الله تكون الصور واضحه وراح اشرح تحت كل صورة لتوضيح أكبر ،،
نبتدي بأول خطوة
الدخول عالموقع من هالرابط
www.asos.com
نضغط على كلمة join اعلى يمين الصفحه
راح تطلع لنا هالصفحه نختار شكل الأيميل
بعدها راح تفتح لنا هالصفحه وتعبين البيانات زي مو واضح لك بالصورة
الأسم تكتبين الأسم الصحيح
وهنا تكملة للصفحه تعبينها برضو وتضغطين على اخر زر join asos
//
الحين يكون صار لك حساب في موقع اسوس
تدخلين على صفحتك
وتروحين جهة ال address book
طبعا عناويني موجودة لكن بيجيك الجدول فاضي لانك تو مسجله
وتضغطين على زر add زي اللي بالصورة
//
بعدها تطلع لك هالصفحه وتختارين add new address
//
تعبين المعلومات زي مو موضح بالصورة
رقم المنزل للي مشتركين بواصل يحطون الاربع ارقام اللي عالبيت واللي ما يعرف الرمز البريدي للي مو مشتركين بواصل تسوين سيرش لمنطقتك والمدينة والحي ويطلع لك بعد ما تعبين المعلومات تضغطين على save
//
وبعدها تعيدين الخطوات وتضيفين عنوان ثاني
إللي هو عنوان الدفع
الأسم راح يكون مطابق الاسم اللي على بطاقة الماستركارد او الفيزا
اللي تستخدمينها
والعنوان تلقينه واضح اذا دخلتي حسابك البنكي >> العنوان
من موقع البنك زي مباشر الراجحي
الأفضل تكتبين عنوان الشحن
عنوان واصل اذا كان عندكم صندوق بريد
وهو مجاني
//
ألحين تتسوقين بالموقع وتختارين اللي تبين وتختارين القياس وتضغطين على كلمة
add to cart
بعد ما تختارين
تدخلين على السله
تلقينها أعلى اليمين
بعدها تجيك صفحة زي كذا
هذي أشيا اخترتها
وتضغطين على كلمة pay secrely now
//
بعد ما تضغطين عالزر تطلع لك هالصفحه
الاشيا اللي اخترتيها ومجموع طلبك
وتحته عنوان الدفع وعنوان الشحن اللي اضفناهم قبل
//
بنفس الصفحة تحت راح تلقين
اللي حاطه عليه مربع هذا الشحن السريع ب 130 ريال
تقريبا لكل الطلب
ويوصل خلال يومين الى 5 ايام و فيه شحن مجاني وما انصح فيه
بس اذا اخترتيه لااازم تحطين عنوان واصل للشحن
يوصل خلال اسبوعين الى شهر
//
نوع الدفع
عن طريق الباي بال وهذا اللي انصح فيه او عن طريق الماستر كارد
اذا اخترتي الباي بال لازم تكونين مسجله فيه قبل
واذا الماستر كارد
تكتبين الرقم الطويل والأسم
والثلاث ارقام خلف البطاقه
//
بعدها تتأكدين كل شي صح والمقاسات صحيحه
والعنوان وتأكدين الطلب بالضغط على
PLACE ORDER
//
وراح يجيك على ايميلك بإتمام العمليه
وبعدها تجيك رساله عالجوال ان المبلغ انسحب
واذا شحنوا الطلب يرسلون لك عالايميل رقم التتبع
و تتهنون بمشترياتكم
وان شا الله اكون افدتكم
ليست هناك تعليقات:
إرسال تعليق