تجربتي في السيلف تان من شركه loving tan ،،

السلام عليكم 

بمان اننا في فتره صيف حبيت اشاركم تجربتي 

في السلف تان من موقع lovingtan

هي ماركة استراليه متخصصه بالتان 

اشتهرت كثييير خلال السنه اللي فاتت 

هذا موقعهم : http://int.lovingtan.com/

كثيير من الناس مشاركين تجاربهم بالصور في حسابهم بالانستقرام

تخلي الواحد يتشجع يطلب منهم ويجرب

اللي ما خلاني اجرب من اول ما قريت المدح الكثيير عند اليوتيوبرز الاجانب 

الشحن كان غاالي 60 دولار 

،،

،،

وقبل فتره لقيت البلوقرز ارتوس كاتبه عنهم 

وحمستني كثيييير وصملت اطلب منهم 

واخذت الشحن المجاني ابد ما حبيت اطلب الشحن السريع 

ولسا ماني عارفه اذا هالمنتج يستحق والا لا 

وقويت قلبي وطلبت 

والحمممد لله الشحنه انشحنت بالدي اتش ال الاقتصادي

واول ما دخلت السعوديه 

سلموها للبريد السعودي وكالعاده اذا بشحن دايركت

احط عنوان واصل السعودي كامل 

لان ما ادري اي شركه بتنشحن 

المهم فا اول ما استلموها البريد السعودي 

قدرت اتتبعها ببرنامج تقفي الاثر عندي بالايباد 

واول ما وصلت الفرع رحت استلمها  

التغلبف كان مرررة ممتاز 

طلبت السلف تان الدرجه الغامقه

والسريع (( ساعتين وتقدرين تغسلينه ))

،،

وقفاز التقشير استخدمه قبل بيوم اذا جيت اجهز بشرتي للتان

اعمل حمام مغربي واستخدمة هالقفاز مع قفازي للحمام المغربي

،،

وطلبت قفاز اللي يساعدك بمد التان 

مرررررة جميل وساعدني بجد بحيث ما يطلع اي بقع 

ويتوزع مضبوط 

،،

حبيت ان ماله ريحه 

اللهم بعد ساعتين تقريبا تطلع ريحه خفيفه شبيه للحنا 

واول ما تحطين التان 5 دقايق وتقدرين تلبسين ملابسك عادي 

واذا جيتي توزعين التان يبين وين مديتي ووين لا

قبل استخدمت سيلف تان من ايف روشيه

ماكان يبين وين موزعه وين لا وكانت ريحته مزززعجه

لكن هذا جممميل 

وزعت على وجهي بفرشه كابوكي 

وعلى اليد والرجل بنفس الفرشه

اما كامل الجسl استخدمت القفاز للمد 

وهذ النتيجه

الواقع ان التان اغمق بدرجتين تقريبا لكن مو واضح بالصورة 

وماقدرت اروح مكان ثاني الاضاءه تكون احسن وواقعيه اكثر لاني كنت مستعجله وبسافر

فا حبيت اخلص وانزل التجربه 

،،

ان شا الله راح اطلبه مرره ثانيه اكيد

لكن بعد ما طلبت نزلوا درجه غامق جدا

وهذي اللي راح اطلبها لان الدرجه غامق

احس تصلح للدرجات البيضا فقط

اما الحنطيات ينفع لهم الغامق جدا 

لان طلع على درجتي التان جدا جميل 

لكن مو غااامق زي ما تصورته 

حبيته يبان اغمق 

فا مررره جميل انهم نزلوا درجه اغمق 

،،

ان شا الله اكون افدتكم بتجربتي 

والقاكم بتدوينه جديده