الحمدلله ابتدت سنه دراسيه جديده
حبيت اخلي هالتدوينه للصيحات الدارجه هالفتره
واهم نقطه الموضه اللي ممكن ندخلها بشكل يومي باللوك
وابتعدت عن الاشياء المبتذله الدارجه لأنها ماتهمنا ولا نفضل تكون من اللوك العام لنا كبنات عربيات مسلمات
يهمنا الفاشون ونكون مميزات لكن بشكل جميل وراقي ومو العكس
اجمل ترند بالنسبه لي السنكرز ( الجزم الرياضيه )
تفننوا فيها الماركات من الهاي براند للستريت براند
متوفره بكل الماركات بالسعوديه وبالمواقع بشكل عام
واسعارها متفاوته فيه الرخيص وفيه المناسب وفيه الغالي
كلن واللي يناسبه
من أشهر البراند اللي تفننوا بالسنكرز
( دولتشي اند غبانا و ديور و كورت غايغر واديدس ) بنظري طبعا
وكلن وذوقه واختياره
بالنهايه الواحد يلبس اللي يريحه ويناسبه
من الأشياء اللي راح نشوفها كثير بالمحلات الفتره الجايه
هي المخمل بكل تصاميمه
بالشوزات والبومبرز والفساتين ،، الخ
فا خلك حريصه يكون عندك كم قطعه مخمل للشتا ،،
الشوكر ( المزنط )
دااارج وبقوووه بكل أشكاله
اللي عليك تنسقين وتختارين اللي يعجبك وتلبسين
حلو تختارين الشوكر المخمل النحيف للجامعه والشوكر اللي على شكل خيط
وفيه تعليقه ناعمه جدا جميل لتنسيقات الدوام بشكل عام
الستايل الرياضي
جميل ومريح خاصه للدوامات الطويله
تقدرين تنسقين بومير جميل على تي شيرت للدوام
او جاكيت من وحده من الماركات الرياضيه مع قبعه مخمل
لمسات بسيطه تخليك مميزه
الباتش ( الملصقات للملابس )
من الاشيا الدارجه بقوه هالموسم
تقدرين تنسقينها بالشكل اللي تبين ، خاصه توافرها بكل مكان
تختارين الاشكال القريبه لك وتثبتينها على القطع اللي تبين
مثل اللي موجود بالصوره
وعندي تدوينه طريقه تثبيت الباتش للي حابه تشوف
الكشكش
راجع هالفتره بشكل جميل
اما باضافه بسيطه او مبالغ فيه
كل وحده وشخصيتها واللي تحبه
اخترت البلايز بالصورة علشان تعطيكم افكار لاضافه الكشكش للدوام
بشكل جميل ومو مبالغ فيه
خاصه الدوامات الصباحيه
حبيت اضيف بعض موديلات الشوزات الدارجه
////
ان شا الله تستفيدون من هالتدوينه
احاول جهدي اني اوصل الفكره بدون كلام كثير
وصور توضح للي ما يحب يقرا مثلي :)
شكرا
ليست هناك تعليقات:
إرسال تعليق