تدوينتي هالمره راح تكون خاصه في جهاز PMD إختصار لـ Personal Microderm
جهاز تقشير للبشره البديل الأرخص للتقشير الكريستالي للعيادات
قبل ما قررت أطلب هالجهاز قريت عنه بتجارب البنات العرب والأجانب
فيه اللي غير بشرتهم بشكل كبيروفيه اللي استفادوا منه كمقشر فقط
كنت بطلبه من موقع نوردستروم بس كان مخلص
فا دخلت موقع سيتروس وطلبته منهم
اخذ 4 ايام ووصل
https://en-sa.citrusstv.com/grey-device-full-combo-1.html
اخذته بـ 816 ريال
وحاليا عليه عرض بـ 499 ريال
طلبته تقريبا قبل 5 شهور
اخذت المجموعه الكامله مع 18 راس اضافي لجميع البشرات
يحتوي الصندوق على :
جهاز الـ PMD
ومعاه راسين الصغير للوجه والكبير للجسم
الصراحه اول ما شفت الراس الخاص بالجسم ابد ما جا ببالي انه راح يفيدني
بس لما جربته على سيقاني مررره حبيته
خاصه الفتره الأخيره اعاني من الشعر تحت الجلد
فا مرره ساعد بإزالتها
واستخدمته على يدي وحسيت النتيجه زي احساس اللي توه مسوي حمام مغربي
الجلد جد ناعم وتغير ملمسه
حبيته
استخدمت للجسم الراس المتوسط القوه و القوي اللون الاحمر
هذي الرؤوس المرفقه مع الجهاز
كل لون لنوع معين
هنا صورة أوضح للأنواع
وهنا شكلها بالداخل
تحتوي على 6 روس
كل فتره تغيرينها
والحلقه السودا تعتبر فلتر للجهاز
مع كل استخدام تغسلينها وتنشفينها وترجعين تركبينها
هذا شكل الفيش
الجهاز يشتغل على 110 و220 فولت
وتقدرين تغيرين الراس للفيش بهذولي
يجون مع الجهاز
واشوفها شي مره مهم لكل الأجهزه الكهربائيه
واخر شي سي دي
يوضح لك كل شي عن الجهاز
/////
بالنسبه لتجربتي
الجهاز عندي من 5 شهور
استخدمه كل اسبوعين ومو ملتزمه فيه
الأفضل تشوفين باليوتيوب طريقه استخدامه
من اول استخدام لي لاحظت
بشرتي صارت ناعمه
وجلست يوم كامل حمرا بس شي خفيف
وحطيت عليها كريم للتهيج
وطيعا بعد الأستخدام ممنوع المكياج او التعرض للشمس
لان البشره تكون حساسه
اكثر شي كنت اعاني منه ببشرتي الملس تغير خشن
وحبوب اسفل الجلد
بشرتي صارت ناعمه الحمدلله
الكريمات تعطي مفعول احسن
لان الجهاز يشيل الطبقه السطحيه للبشره الي تكون ميته وناشفه
تغير مظهر المكياج على بشرتي
كانت بشرتي دهنيه مره
صارت عاديه الى دهنيه
خفت الحبوب بالجبهه اللي تحت الجلد
الرؤوس السودا اختفت وخفت المسام
يعني اعتبره جهاز رااائع وجميل
الافضل عدم الأكثار من استخدامه علشان ما يعطي رد فعل عكسي
وما يستخدمه الا شخص واحد فقط
ان شا الله افدتكم بهذا التقرير
واي سؤال انا حاضره
ليست هناك تعليقات :
إرسال تعليق